As persoas interesadas xa poden participar de novo do Club de Lectura a Sarria

O Club de Lectura, que está coordinado por Yolanda Álvarez, está aberto a participantes de todas as idades

A Concellaría de Acción Cultural de Sarria, encabezada por César No, anuncia a reactivación do Club de Lectura de Sarria, que terá lugar este xoves, ás 19.00 horas, na Casa da Cultura.

O Club de Lectura, que está coordinado por Yolanda Álvarez, está aberto a participantes de todas as idades, co obxectivo de fomentar o hábito lector e o intercambio de ideas arredor da literatura.

Os interesados en formar parte do club deberán enviar un correo electrónico co seu nome, apelidos e idade ao enderezo cultura@sarria.gal.

A Concellaría anima a todos os veciños e veciñas a participar nesta iniciativa cultural, que busca converterse nun espazo de encontro para os amantes dos libros en Sarria.