As piscinas do Chanto acollerán, un ano máis, os cursos intensivos de natación

As piscinas do Chanto acollerán, un ano máis, os cursos intensivos de natación que comezarán en xullo para adultos e nenos

Xa está aberto o prazo de inscrición dos cursos intensivos de natación para nenos e adultos das piscinas do Chanto.

Estes cursos impartiranse de luns a venres e por quincenas, ademais de que se conformarán 14 grupos divididos por idades e segundo o seu nivel. Así, os adultos contarán con clases de iniciación e de perfeccionamento e os nenos poderán decidir entre iniciación, aprendizaxe e perfeccionamento.

Así, as persoas interesadas en participar desta formación, que terá lugar en xullo e agosto, poderán reservar a súa praza na recepción do centro deportivo e de saúde sarriao.