As Xeitosas organiza 'Lambiscadas Científicas', un taller de ciencia aberto a toda a veciñanza no Incio

A actividade celebrarase o sábado 4 de outubro no antigo mercado gandeiro e explicará o papel das árbores na captura de carbono

A Asociación As Xeitosas organiza o taller de ciencia para todos os públicos 'Lambiscadas Científicas', que terá lugar o sábado 4 de outubro ás 17:30 horas no antigo mercado gandeiro de O Incio.

Durante a actividade, ás persoas participantes explicaráselles que en plantacións novas e xestionadas, os propietarios do monte teñen a oportunidade de obter un rendemento pola cantidade de carbono que capturan as súas árbores, como un pagamento pola contribución á loita contra o efecto invernadoiro.

O obxectivo é achegar á veciñanza de todas as idades coñecementos sobre ciencia e medio ambiente de forma didáctica e participativa.