Avelino González chega a Paradela co seu espectáculo 'Contos de Boa xente'
Avelino González aterriza no Concello de Paradela este xoves 30 de decembro para representar o seu espectáculo Contos de Boa Xente. Esta será unha gran oportunidade para despedir o ano cun rato de lecer, ocio e risa. Axudará a que cada un se evada das súas preocupacións persoais para pasar un rato agradable.
A obra dará comezo ás 18.00 horas no centro sociocultural Manuel Rodríguez Oreste.
Este é un espectáculo de contos, historias e anécdotas cheas de humor para afastar o enfado e a cólera e sacar de nós a bondade que parecen pedir unhas festas familiares e de tanta tradición. E, como o Nadal non é só cousa de nenos, esta proposta está dirixida preferentemente a público adolescente e adulto (a partir de 14 anos).
AVELINO GONZÁLEZ
Actor, narrador oral, director e tradutor de teatro. É especialista en animación de rúa. Traballou en televisión actuando en series como Serramoura, Pazo de Familia, Padre Casares, Cuéntame ou Seis hermanas. Ademais, tamén fixo diferentes traballos para cine e series web. En teatro foi merecedor de varios premios por obras como Bicos con Lingua ou Comedia.
RECOÑECEMENTOS
Avelino González ten na súa traxectoria profesional premios como:
Premio Max ó mellor autor en galego.
Premios María Casares ó mellor texto orixinal.
Premio María Casares ó mellor texto traducido.
Premio Compostela ó mellor espectáculo.
Premio do Público de Alicante e Premio Compostela mellor actor secundario (compartido) por distintos espectáculos.
