Búscase unha persoa auxiliar xerocultor para a residencia de maiores de Sarria

O perfil que se busca para desenvolver as tarefas de xerocultor é dunha persoa profesional no ámbito dos coidados persoais ás persoas maiores

Desde o Concello de Sarria anuncian que está ofertada unha nova oferta de emprego para contratar un auxiliar xerocultor para a Residencia de Maiores do municipio.

O perfil que se busca para desenvolver as tarefas de xerocultor é dunha persoa profesional no ámbito dos coidados persoais ás persoas maiores, levando a cabo tarefas de asistencia aos usuarios para o desenvolvemento da súa vida cotiá.

Ademais, terán que darlles de comer a aqueles usuarios que non poden facelo por si mesmos e ocuparanse da recepción e distribución das comidas dos usuarios.

Tamén terán que realizar os cambios posturais e aqueles servizos auxiliares de acordo coa súa preparación técnica e comunicar as incidencias que se produzan sobre a saúde dos usuarios.