'Cada litro conta', a campaña de concienciación sobre o aforro de auga de Augas de Galicia
Augas de Galicia, entidade da Xunta, impulsa a campaña de comunicación 'Cada litro conta' co obxectivo de lembrarlle á cidadanía a importancia de non desperdiciar a auga e concienciar sobre o aforro de auga.
Con ela, apélase a que os galegos e galegas incorporen pequenas rutinas domésticas que axuden a un consumo responsable deste ben común.
Estes supoñen un aforro de cartos para as familias, garanten a dispoñibilidade de auga a medio prazo e son vitais para a preservación dos hábitats e ecosistemas fluviais.
Consellos de aforro de auga dentro da casa
Algúns dos consellos que se lanzan na campaña se refiren aos electrodomésticos do fogar, como poñer a lavadora ou o lavalouzas só cando estean cheos.
Isto farase co fin de aproveitar ao máximo a súa capacidade, xa que unha lavadora pode gastar ata 90 litros e un lavalouzas arredor de 30 en casa ocasión en que se usa.
Por outra banda, tamén indican que é recomendable utilizar cuncos para lavar os pratos, usando unha das cubetas do vertedoiro para enxabonar e a outra para aclarar, no caso dos fogares que teñan dúas.
Da mesma maneira, din que "para beber auga fría, non se debe deixar correr a billa", se non que o aconsellable é poñer unha xerra de auga na neveira para non malgastar.
Con respecto aos alimentos, débense desconxelar a temperatura ambiente, e nunca baixo a billa, o que permitirá un aforro de 15 litros. Ademais, mediante lavando a froita e a verdura nun bol afórranse 10 litros.
Desde a Xunta informan de que a través dunha billa aberta corren ata 12 litros de auga por minuto, polo que debe pecharse cando non se utilice, como cando un se cepilla os dentes, se afeita ou se enxabona na ducha.
Estes pequenos xestos aforran uns 30.000 litros de auga ao ano. Con respecto ás pingas de auga, dez ao minuto supoñen 5.000 litros de auga desperdiciados ao ano.
Pola súa parte, nos cuartos de baño que non son de dobre descarga, desde a Xunta aconsellan meter dentro da cisterna unha ou varias botellas de plástico cheas porque, así, cada vez que se tire da cadea aforraranse entre dous e catro litros.
Tamén cren importante o uso de atomizadores, xa que o seu uso aumenta o chorro con menor cantidade de auga e aprovéitase mellor a auga e iso permite reducir o consumo.
Da mesma forma, son recomendables as billas monomando,que están deseñadas para evitar que goteen.
Recomendacións para fóra da casa
Con respecto ás plantas, Augas de Galicia aconsella regalas á noitiña ou ao amencer, cando a temperatura é máis baixa co fin de evitar perdas de auga por evaporación.
Mentres, no xardín, recomendan utilizar sistemas automáticos de rega por aspersión e, en época de seca, non se debe utilizar a mangueira.
Por último, din que é mellor pechar levemente a chave de paso de auga á vivenda, xa que axuda a que saian menos litros da billa por minuto e reduce o malgasto e a factura.
"Son, todos eles, consellos encamiñados a un bo aproveitamento deste recurso natural", explican.
A campaña destaca, así mesmo, a idea de que en Galicia non sobra a auga, polo que é importante que cidadáns e administracións asimilen esta realidade e compartan a preocupación.
