Case 300 persoas acudiron a ver a exposición 'Materiais de uso habitual de persoas con discapacidade' de Sarria
A exposición ‘Materiais de uso habitual de persoas con discapacidade’ reuniu a case 300 persoas que se achegaron durante o mes de xaneiro á Casa da Cultura.
En total, 268 persoas participaron das visitas guiadas que organizou a plataforma de familias con nenos e nenas con discapacidade e diversidade funcional da comarca de Sarria.
Así, os materiais elaborados polo alumnado do ciclo medio de Atención a Persoas en Situación de Dependencia do IES Xograr Afonso Gómez de Sarria así como por outros colectivos foron obxecto de admiración polos visitantes que se achegaron.
Ademais, nas visitas participaron seis centros educativos da localidade nestas visitas guiadas, así como persoas interesadas neste proxecto, polo que se considera que esta exposición “foi todo un éxito”.