Catro obras de teatro serán representadas en Sarria no marco do ciclo FEGATEA

Estas actuacións comezarán este domingo, 27 de outubro, coa representación da obra 'Vaia idiotas' na Casa da Cultura

A Federación Galega de Teatro Amador (FEGATEA) promove en Sarria, coa colaboración do Concello e de Rebuldeira Teatro, unha serie de actuacións teatrais na Casa da Cultura que serán de balde.

Desta maneira, a primeira delas será o vindeiro 27 de outubro, domingo, ás 20.00 horas, na que o grupo ‘DameCuerdaQueTeatro representará ‘Vaia idiotas’.

A seguinte será o día 3 de novembro, domingo, ás 20.00 horas, da man de Porta Aberta, que representará ‘Munuwa’.

Xa o domingo 10 de novembro ás 20.00 horas terá lugar a representación de ‘Asesinato en Brooke Manor’ e o día 17 rematará o ciclo con Rebuldeira Teatro e o seu ‘Os vellos non deben namorarse’.