Deportes

Desde o 26 de agosto e ata o 6 de setembro, os nenos e nenas de Sarria e da comarca que queiran coñecer a familia deportiva do baloncesto sarriao poderán facelo

Comeza a tempada 2024-2025 no Club Baloncesto Sarria con diversas actividades para fomentar a adhesión dos pequenos aos seus equipos a través de adestramentos, así como xornadas para outros que queiran formar parte da familia deportiva.

Así, desde o 26 de agosto ao 6 de setembro haberá xornada de portas abertas todos os días para os nenos e nenas nados entre os anos 2009 e 2016; é dicir, dos 8 aos 15 anos.

Pola súa parte, para os rapaces e rapazas que xa forman parte do club, haberá adestramentos de luns a venres polas tardes en horarios distribuídos segundo a idade e o grupo do que formen parte, comezando ás 16.00 horas e rematando ás 22.00 horas.