Comeza para os rapaces de Sarria o Campus de Nadal do CB Sarria
SarriaXa
Haberá actividades deportivas, lúdicas e recreativas para fomentar o traballo en equipo e a convivencia entre os participantes
26 Dec 2024
Comeza a segunda edición do Campus de Nadal, organizado polo Club Baloncesto Sarria na vila, e dirixido a rapaces e rapazas nacidos entre os anos 2007 e 2017.
Nesta edición, que se celebra desde hoxe e ata o domingo, 29 de decembro, haberá, como o ano pasado, adestramentos que contarán con persoal experto que lles axudarán aos nenos e nenas a mellorar as súas habilidades na práctica do baloncesto.
A programación complétase con outras actividades deportivas, lúdicas e recreativas para fomentar o traballo en equipo e a convivencia entre os participantes.