Convócase aos propietarios de parcelas do Polígono Agrovoforestal de Loio de Paradela

Celebraranse varias reunións en diferentes días para identificar aos diferentes propietarios das parcelas

Paradela

O Concello de Paradela informa de que esta semana e a vindeira convócanse reunións sobre o Polígono Agrovoforestal de Loio con motivo da investigación da propiedade.

Así, todas as persoas propietarias das parcelas incluídas no polígono están convocadas para a fase de investigación da propiedade das parcelas no que se dará recollida dos datos persoais das persoas propietarias e a documentación que acredite a propiedade das parcelas, coa finalidade de identificar os titulares.

Ditas reunións terán lugar na biblioteca pública municipal de Paradela este luns, 22 de xullo, de 09.00 a 14.00 horas e de 16.00 a 19.00 horas; e no mesmo horario serán tamén o martes 23, o xoves 1 de agosto e o venres 2 de agosto.