Crearte Sarria organiza unha sesión de cinema dedicada ao cineasta galego Alfonso Zarauza

A organización recomenda ás persoas asistentes traer manta e calcetíns grosos para gozar da proxección con maior comodidade

O vindeiro venres 7 de marzo, Crearte Sarria continúa co seu ciclo de cinema cunha sesión especial dedicada ao cineasta galego Alfonso Zarauza, quen celebra 30 anos de traxectoria como director e guionista de cine e televisión.

Nesta ocasión, proxectaranse dúas das súas pezas máis destacadas: 'Flâneur' e 'Malencolía', nunha homenaxe que terá lugar n'A Palleira.

A organización recomenda ás persoas asistentes traer manta e calcetíns grosos para gozar da proxección con maior comodidade.

O prezo da entrada xeral será de 5 euros, mentres que as socias de Crearte e da Asociación de Veciños de Manán poderán acceder de balde.