Especialistas Hípica Celta representarán 'A lenda das meigas' no paseo do Malecón de Sarria
SarriaXa
O espectáculo 'A lenda das meigas' representarase esta noite de mércores, 23 de agosto, no paseo do Malecón a partir das 22.
![a lenda das meigas](https://sarriaxa.com/wp-content/uploads/2023/08/a-lenda-das-meigas.jpg)
23 Ago 2023
O espectáculo 'A lenda das meigas' representarase esta noite de mércores, 23 de agosto, no paseo do Malecón a partir das 22.30 horas e a cargo da compañía Especialistas Hípica Celta.
Esta iniciativa, encadrada nos 'Mércores escénicos' do Concello de Sarria, é unha montaxe de acción, na que se combinan de forma maxistral as técnicas da manipulación do lume, a maxia e o misterio nun mundo tan apaixoante como o das meigas.
Todas as persoas interesadas en participar deste evento poderán facelo, xa que é de balde para todos os veciños e veciñas aos que lles guste a danza, os malabarismos, o lume, o humor e o contacto directo co público.