Esta fin de semana celébrase o Torneo Os Meigallos nos distintos campos municipais de Sarria

Esta fin de semana celébrase o Torneo Os Meigallos nos distintos campos municipais de Sarria tanto o sábado como o domingo

Estes vindeiros 17 e 18 de xuño terá lugar o Torneo Os Meigallos nos diferentes pavillóns do municipio de Sarria: o pavillón Rúa Castelao, o pavillón de Oural, no pavillón do instituto, e no do Chanto.

Así, equipos de fútbol de Ribeira, Monforte, Guitiriz, Lugo, Burela e A Coruña competirán nas categorías prebenxamín, benxamín, alevín, infantil, cadete e xuvenil de fútbol sala.

O sábado terán lugar os enfrontamentos entre todos os equipos participantes nos distintos campos de fútbol mencionados e o domingo terán lugar as semifinais pola mañá e as finais pola tarde no pavillón do Chanto.

A XVI edición do Torneo, organizado un ano máis polo equipo Os Meigallos, volverá a reunir a máis de 500 nenos, como o ano pasado.