Esta fin de semana, continúan os festexos da Noite Meiga en Sarria
Un ano máis, Sarria convértese no escenario perfecto para unha morea de espectáculos, música e actuacións de rúa que farán as delicias de tódolos públicos.
A Noite Meiga de Sarria, cumpre este ano medio século baixo a organización da directiva da Asociación cultural Meigas e Trasgos.
O programa para esta fin de semana é o seguinte:
SÁBADO 27
17.30 a 19.00 horas - Pasaruas dende O Boulevard ata o parque do Chanto de A.C. Peleriños, A.C. Troula do Ortegal, Meigas e Trasgo
19.20 a 20.00 horas - Recibimento das autoridades
20.00 a 20.45 horas - Pregón
21.00 a 21.45 horas - Actuación Meigas e Trasgos
22.00 a 00.00 horas - Céa Noite Meiga e remate coa Queimada
01.00 horas - Danza da Noite Meiga
01.30 horas - Louband Street
DOMINGO 28
13.00 a 14.30 horas - Sesión Vermu e Dj Sorpresa
14.30 a 16.30 horas - Festa da Empanada
17.00 horas - Actuación Infantil da man de “Cé Orquesta Pantasma”
ORIXES
A Noite Meiga celébrase na noite do último sábado de agosto, na sede do Centro Cultural Meigas e Trasgos, no Parque do Chanto. Esta celebración naceu en 1971 e baséase nunha lenda que recolle a triste historia de amor entre un mozo e unha meiga. O mozo ingresa nun seminario como castigo por namorarse dun ser máxico e a meiga vai ao monte onde chora e chora, asta que as súas lágrimas forman o río Sarria. Pasada a media noite realízase a Danza da Noite Meiga, na que as Meigas e os Trasgos danzan con fachos arredor dunha fogueira para protexerse dos malos augurios mentres se canta un conxuro para evitar os males e que a boa sorte acompañe durante todo o año. E para repoñer forzas, o domingo celébrase a Empana Jam, unha Festa da empanada en toda regra.
