Esta fin de semana son as grandes festas en Santamariña de Lóuzara, en Samos

Esta fin de semana son as grandes festas en Santamariña de Lóuzara, en Samos, onde se celebrarán distintas actividades

Mañá, 14 de xullo, comezan as grandes festas en Santamariña de Lóuzara, en Samos, na honra á Virxe de Santa Mariña e que incluirán diferentes actividades para o desfrute de todos os públicos.

Así, durará dous días, venres e sábado; e o venres comezará a festa cunha gran churrascada popular ás 22.00 horas amenizada polo dj Cendoi, que acudirá a esta cita para ofrecer os mellores temas musicais para os veciños e veciñas.

No caso do sábado, a xornada comezará coa misa solemne ás 14.00 horas seguida da sesión vermú amenizada polo Dúo Tropical. Despois terá lugar a comida popular e a partir das 20.00 horas volverá a festa e verbena co Dúo Tropical de novo, que tamén actuará ás 23.00 horas, xunto co dj Cendoi.