Esta tarde Sarria acolle as primeiras Camiñografías do Festival Ultreia Et Suseia
![Festival Ultreia et Suseia](https://sarriaxa.com/wp-content/uploads/2023/07/Festival-Ultreia-et-Suseia.jpg)
Onte comezou o festival Ultreia et Suseia coas actuacións dos recoñecidos cómicos Pablo Meixe, Danny Boy Rivera e David Amor, que foron a antesala de todas as actividades que se celebrarán no marco deste evento organizado por Etiqueta Negra ata o vindeiro 23 de agosto.
Así, esta tarde terán lugar as primeiras 'Camiñografías', que teñen como obxectivo para mostrar a historia de Sarria, a súa comarca e a súa relación co Camiño de Santiago. Comezarán ás 19.30 horas da man da Asociación Cultural Peleriños.
Pola súa parte, a Sociedade Cultural La Unión acollerá, a partir das 21.00 horas, a representación cómica e teatral de Atenea García. Así, o 18 martes, o parque do Chanto acollerá a actuación de Vero Rilo ás 19.00 horas, o 19 será a quenda de Raquel Queizás no mesmo lugar e á mesma hora e Paula Carballeira actuará o 20, xoves, na Sociedade Cultural La Unión ás 21.00 horas.
Ademais, o 19 actuarán Pepe y Lucas na Casa da Cultura de Sarria ás 21.00 horas, mentres que Touriñán faralo no Meigallo o sábado 22 a partir das 21.00 horas e Luis Piedrahita o domingo 23 no mesmo lugar e á mesma hora.
![programacion semana ultreia et suseia](https://sarriaxa.com/wp-content/uploads/thumbs/2023/07/programacion-semana-ultreia-et-suseia-200x200.jpg)