Este sábado será I Torneo de Tenis de Mesa do Incio
![Tenis de mesa](https://sarriaxa.com/wp-content/uploads/2023/03/Tenis-de-mesa.jpg)
Este sábado 25 de marzo o Concello do Incio acollerá o I Torneo de Tenis de Mesa, organizado polo Club Ceibe de Monforte. Esta cita deportiva é de categoría amateur, é dicir, é para aficionados, non para profesionais.
O evento terá lugar no hotel Hermida Rural, que se atopa na parroquia Eirexalba, do Incio, onde haberá pinchos para poñer en valor os produtos típicos da zona do Incio, como o Porco Celta, da man da Carnicería Teijeiro; o mel, da explotación Abella Brava; e o viño, da adega Terra Brava.
Un dos organizadores, José Luís Gallego, sostén que Hermida Rural está nunha contorna "perfecta" ao carón do encoro de Vilasouto e que esa "incríble paisaxe" é un chamamento á participación da actividade.
Ademais, di que este torneo pode axudar a "revitalizar o Club Ceibe" que "foi un dos pioneiros de tenis de mesa a nivel nacional, pero por traballo, estudos, etc., decaeu".
![Torneo tenis de mesa Incio](https://sarriaxa.com/wp-content/uploads/thumbs/2023/03/Torneo-tenis-de-mesa-Incio-200x282.jpg)