Estefanía Padullés presenta en Paradela o seu libro ilustrado A egua de Breogán

A autora estará acompañada pola alcaldesa Montserrat Mulet nun acto que terá lugar no CEIP Plurilingüe San Miguel

A autora e ilustradora Estefanía Padullés visitará Paradela este venres 26 de setembro para presentar o seu novo libro ilustrado A egua de Breogán, publicado tamén en castelán baixo o título La yegua de Breogán.

O evento celebrarase a partir das 11:30 horas no CEIP Plurilingüe San Miguel, situado na Rúa Veiga, número 6.

Na presentación, Padullés estará acompañada pola alcaldesa de Paradela, Montserrat Mulet. A iniciativa conta coa colaboración da editorial Hércules de Ediciones e do propio centro educativo, que acollerá a actividade coa participación de alumnado e comunidade escolar.