Fin de semana destacado para o Club Seurri con podios e grandes actuacións en tiro con arco
O Club Seurri viviu un intenso fin de semana deportivo tras competir na terceira tirada da Liga Galega de Sala e no I Trofeo de Meis, dúas citas que reuniron ambiente, emoción e un forte espírito de compañeirismo entre participantes e acompañantes.
Ao longo das dúas xornadas, o equipo gozou dunha experiencia memorable que se viu reforzada polos destacados resultados acadados polas súas deportistas.
Vera López conquistou a medalla de bronce na categoría de recurvo alevín feminino, mentres que Jana Escudero repetiu podio ao obter outro bronce en recurvo infantil U15 feminino.
A terceira distinción chegou da man de Ángela Rincón, que logrou o bronce en recurvo sénior feminino, completando así unha notable actuación colectiva.
Desde o club tamén quixeron recoñecer o esforzo e o bo papel de Sandra, Cristina, Coren e Nerea, que asináron excelentes puntuacións na fase clasificatoria da liga, contribuíndo ao gran nivel amosado pola entidade ao longo da competición.