Foi presentado o Proxecto de actuacións de mellora do saneamento e da EDAR de Sarria
O alcalde de Sarria, Claudio Garrido, participou na presentación do Proxecto de actuacións de mellora do saneamento e da EDAR de Sarria, xunto con Joaquín José López Sánchez, director técnico adxunto da Confederación Hidrográfica do Miño-Sil.
Desta maneira, déronse conta dos traballos realizados neste proxecto, consistentes na construción dun novo colector-interceptor entre o centro urbano de Sarria e a EDAR, a construción dun pozo de desbaste, bombeo de auga bruta e alivio para o desbaste dos caudais que sexa necesario aliviar no tempo húmido e a construción dun novo emisario de alivio de dito pozo e da EDAR, xerando un novo punto de vertido en tempo seco situado a 200m augas abaixo do actual.
Con isto, xéranse diversos beneficios, como a proteción do medio ambiente, a mellora da calidade das augas, a redución da xeración de gases e malos olores e o cumprimento das esixencias da Directiva 91/271/CEE.
As obras garantizan que todas as augas residuais de Sarria son depuradas ou vértense ao río devastadas e decantadas completamente.