Galicia conmemora o Día da Patria Galega
Como cada 25 de xullo, Galicia enteira conmemora a súa festa nacional oficial, o Día Nacional de Galicia, tamén coñecido como Día da Patria Galega e que coincide coa celebración da festividade do apóstolo Santiago.
As orixes do Día Nacional de Galicia remóntanse ao ano 1919, cando tivo lugar en Santiago de Compostela a Asemblea Nacionalista das Irmandades da Fala, que acordaron celebrar esta cita o 25 de xullo do ano seguinte. Unha decisión na que participaron históricos intelectuais galeguistas como Antón Risco, Ramón Cabanillas, Vilar Ponte ou Losada Diéguez.
Porén, houbo que esperar ata mediados dos anos 20 para que a festividade estendérase pola maioría do territorio galego. As celebracións masivas non duraron moito, xa que a ditadura de Primo de Rivera obrigou a paralizar os festexos ata o ano 1930.
De novo, coa chegada de Franco, a celebración do Día Nacional de Galicia foi borrada do mapa e o 25 de xullo pasou a ser o Día do Patrón España, unha celebración con marcado carácter relixioso. Mentres tanto, o movemento galeguista na comunicade durante a ditadura concentrouse ao redor da tradicional misa por Rosalía de Castro na Igrexa de Santo Domingo de Bonaval e aos actos convocados polas sociedades galegas de emigración. Durante os últimos anos da ditadura, as reivindicacións comezaron a aumentar de forma clandestina en todo o territorio galego.
Foi no ano 1978, coa constitución do Goberno preautonómico, cando se volve a impulsar esta celebración baixo o nome Día Nacional de Galicia e, en 1981, lógrase a súa a aprobación definitiva.
Manifestacións en Santiago polo Día de Galicia
Desde a consolidación desta data, fai máis de 40 anos, Santiago acolle o 25 de xullo unha multitudinaria manifestación que este ano arrancará ás 12.00 horas na Alameda e que está organizada polo Bloque Nacionalista Galego. A manifestación rematará na Praza da Quintana cun acto no que intervirá a Secretaria Xeral de Galiza Nova (as mocidades do BNG), Marta Gómez así como a Portavoz Nacional do BNG, Ana Pontón. Os actos no resto das cidades galegas véñense sucedendo durante toda a semana, con diversas mobilizacións lideradas polo partido nacionalista.
Pola súa banda, a Xunta de Galicia adiantou este 2024 os festexos cun acto celebrado o martes, 23 de xullo, miradoiro do Cabo do Mundo, no concello lucense do Saviñao, en pleno corazón da Ribeira Sacra.
Santiago festexa a súa Semana Grande
A coincidencia entre a celebración do Día Nacional de Galicia e o Día do Apóstolo Santiago non é unha coincidencia, senón que vén motivada pola unión histórica entre a figura do apóstolo e a comunidade galega.
A orixe destes festexos datan do século XVII para conmemorar o achado dos restos do apóstolo no ano 829 e, a día de hoxe, continúa sendo unha data sinalada no calendario da capital galega, non só por acoller as súas festas tradicionais e unhas das máis multitudinarias de Galicia, senón por ser un dos días do ano onde máis peregrinos chegan á Praza do Obradoiro.