Goián celebra o seu magosto con xantar popular e torneo de tute
A Asociación de Veciños de Goián (Ajuilouca) organiza o domingo 9 de novembro o tradicional magosto, que se celebrará nas instalacións da escola da localidade cun programa que combina gastronomía, música e xogos populares.
A xornada comezará ás 13.30 horas cunha sesión vermú, á que seguirá o xantar ás 14.00 horas, servido pola pulpería Susana e Javier. O menú incluirá empanada, lacón cocido, churrasco, tarta da avoa e castañas asadas. O prezo será de 30 euros por persoa, mentres que os nenos e nenas de ata 12 anos pagarán 15 euros.
Xa pola tarde, celebrarase un torneo de tute aberto a todas as persoas que desexen participar. Haberá premio para a parella gañadora. As inscricións poden realizarse ata o xoves 6 de novembro a través do grupo de WhatsApp da asociación ou nos teléfonos 618 249 003 (Jéssica), 650 036 380 (Jose) e 684 095 979 (Kevin).