Huellas de Sarria valora a acollida do mercado solidario como "moi boa" e din que volverá celebrarse
![mercado solidario Sarria2](https://sarriaxa.com/wp-content/uploads/2023/08/mercado-solidario-Sarria2.jpg)
O mercado solidario organizado en Sarria este pasado sábado por Huellas Sarria, a AGAE, Miau Lemos e Michos de Lugo foi todo un éxito, xa que tivo moi boa acollida a feira solidaria, segundo explican desde Huellas de Sarria.
“Para nós é moi importante facer este tipo de eventos para darnos a coñecer a máis persoas, que se coñeza o gran labor dos voluntarios, crear conciencia do que significa ter unha mascota e que a xente poida aportar o seu granito de área”, defenden desde Huellas Sarria.
Os fondos recadados coas vendas deste mercado solidario van destinados a coidar aos animais que todas as asociacións teñen ao seu cargo e a manter os refuxios e as colonias,”xa que ás veces atopámonos con situacións complicadas debido a falta de recursos”, explican.
Debido á boa aceptación deste mercado, a intención destas asociación organizadoras é seguir facendo máis edicións deste evento, que poderá volver a celebrarse en Nadal.