Impartiuse en Sarria un curso de desfibriladores semiautomáticos

Desde o Concello din que esta é unha formación "clave para garantir unha resposta rápida e eficaz ante emerxencias cardiovasculares nas instalacións deportivas"

Persoal da área de Deportes do Concello de Sarria vén de completar un curso de desfibriladores semiautomáticos (DESA) que se impartiu no pavillón.

Así, desde o Concello din que esta é unha formación "clave para garantir unha resposta rápida e eficaz ante emerxencias cardiovasculares nas nosas instalacións deportivas".

Con todo, esta formación servirá para ter unha Sarria máis segura e desde o Goberno local defenden que "hai que seguir traballando para ofrecer un servizo de calidade e priorizar a saúde e seguridade de todas e todos".