Láncara acollerá un curso gratuíto sobre orientacións agroecolóxicas para o manexo da horta
A Asociación Cultural Val de Láncara acollerá os días 20, 21 e 27 de setembro un curso gratuíto titulado 'Orientacións agroecolóxicas para o manexo da horta', dirixido a persoas traballadoras, autónomas e desempregadas.
A formación será impartida por Andrés Castro e desenvolverase en horario de 10:00 a 14:00 horas. O obxectivo é ofrecer ferramentas prácticas e teóricas para unha xestión sostible e respectuosa co medio ambiente das hortas familiares e profesionais.
As inscricións poden realizarse a través dos teléfonos 604 027 886 e 982 231 154, ou no correo electrónico lugo@sindicatolabrego.gal.
O curso está organizado polo Sindicato Labrego Galego, COAG e Formación Agroalimentaria, e conta cunha financiación ao 100% por parte do Ministerio de Agricultura, Pesca e Alimentación do Goberno de España.