Láncara acollerá un obradoiro de cerámica con creación de pezas útiles e divertidas

A cita será o 13 de setembro na antiga escola do municipio, cun prezo reducido para socios

A Asociación Cultural Val de Láncara organiza un obradoiro de cerámica que se celebrará o vindeiro 13 de setembro nas instalacións da antiga escola do municipio, en horario de 10.30 a 14.00 horas.

A iniciativa está pensada para que os asistentes poidan dar renda solta á súa creatividade coa elaboración de pezas divertidas e, ao mesmo tempo, útiles para o día a día.

A inscrición ten un custo de 5 euros para socios e de 10 euros para non socios. As persoas interesadas en participar poden solicitar máis información no teléfono 691 175 650.