Láncara ofrece un curso de mecanografía e ofimática para alumnado a partir de 4º de Primaria
A Asociación Cultural Val de Láncara, en colaboración co Concello, organiza un curso de mecanografía e ofimática dirixido a nenos e nenas a partir de 4º de Primaria. As clases impartiranse durante o curso escolar todos os martes, en horario de 18:30 a 19:30 horas, na antiga escola de Láncara.
O programa inclúe aprendizaxe de habilidades de mecanografía, uso de programas básicos de ofimática como Word e Excel, e formación en deseño coa ferramenta Canva. O custo da actividade é de 35 euros mensuais por participante.
As persoas interesadas poden obter máis información ou inscribirse chamando ao teléfono 691 175 650. A iniciativa busca mellorar as competencias dixitais do alumnado máis novo, favorecendo o seu manexo das ferramentas informáticas máis empregadas no ámbito escolar e profesional.