Láncara organiza un campamento de Semana Santa para favorecer a conciliación familiar
O Concello de Láncara impulsa unha nova edición do Campamento de Semana Santa, unha iniciativa destinada a ofrecer alternativas de ocio educativo para a infancia durante o período de vacacións e, ao mesmo tempo, facilitar a conciliación da vida familiar.
A actividade está dirixida a nenos e nenas con idades comprendidas entre os 4 e os 13 anos e contará cun total de 25 prazas, que se asignarán con preferencia para os menores empadroados no municipio.
O campamento desenvolverase os días 30 e 31 de marzo e 1 e 6 de abril nas instalacións do Polifuncional do Campo da Feira. O horario das actividades será de 10:00 a 14:00 horas.
O custo de participación está fixado en 15 euros. O prazo para presentar as solicitudes abrirase o 10 de marzo e permanecerá dispoñible ata o 25 de marzo, ambos os dous incluídos.
As inscricións poderán formalizarse presencialmente na Biblioteca Municipal de Láncara ou a través da sede electrónica do Concello, dispoñible en lancara.sedelectronica.gal. A relación de persoas admitidas publicarase o 26 de marzo na propia sede electrónica.