Louseiro acolle a proxección do 'Médico dos pobres' nun acto organizado pola Asociación Gorriós

Esta tarde de venres, 19 de abril, ás 21.

Esta tarde de venres, 19 de abril, ás 21.00 horas terá lugar na Escola de Louseiro a proxección do 'Médico dos pobres', un documental sobre Manuel Díaz González, máis coñecido coma "O Pequeniño dO Incio", quen foi un médico rural, deputado provincial e alcalde de O Incio durante a República, e asasinado pola escuadra falanxista de Eirexalba en 1936.

O acto, aberto a todo o mundo que queira participar, está organizado pola Asociación Gorriós de Louseiro, que ofrecerá, trala visualización do filme, un coloquio e un picoteo.

Por outra parte, anuncian que o vindeiro venres, 26 de abril, terá lugar un campionato de tute que tamén organizan eles, que incluirá servizo de pulpería e premios para os tres primeiros clasificados.