Máis de 60 nenos e nenas participan do Verán Básquet organizado polo CB Sarria
![Campamento cb sarria](https://sarriaxa.com/wp-content/uploads/2023/07/Campamento-cb-sarria.jpg)
Xa está en marcha o Verán Básquet que organiza o club CB Sarria no que están a participar más de 60 nenos e nenas da comarca de Sarria nados entre o 2005 e o 2018, é dicir, de entre 5 e 18 anos.
Este campamento, que se prolongará ata o 13 de agosto, é dicir, catro semanas de adestramentos, ten como finalidade promover o deporte entre os máis novos durantes os meses de descanso escolar, mentres que continúan aprendendo as regras e movementos básicos do baloncesto.
Así, estas actividades estanse a desenvolver durante tres días á semana, luns, martes e xoves en horario de mañá para permitir, ademais, a conciliación das familias de Sarria.
Porén, este campamento parará entre o 15 e o 23 deste mes porque nese espazo de tempo terá lugar o Campus Baloncesto no Camiño, que este ano celebra o seu XV aniversario e acollerá rapaces e rapazas de entre 8 e 17 anos, que poderán aprender baloncesto e inglés, xa que haberá adestramentos bilingües.