Malditos Roedores actuaron na presentación do libro 'Aquí non pasa nada. Historias musicais de Lugo'
Juan Castro Lodeiro, escritor e autor da obra 'Aquí non pasa nada. Historias musicais de Lugo', presentou o seu libro en Sarria nun acto no que participou Efrén Castro e no que actuou o grupo musical sarriao Malditos Roedores.
O libro, editado coa colaboración do Servizo de Publicacións da Vicepresidencia da Deputación de Lugo, contén un repaso pola historia da creación musical en Lugo e nas distintas comarcas.
O deputado sarriao, Efrén Castro, suliñou no acto "o dinamismo do panorama musical en Sarria, con músicos, bandas e festivais de referencia, como se recolle no libro" e lembrou que os vindeiros 19 e 20 de maio terá lugar un deses eventos que converten Sarria nun punto de encontro da música independente para toda Galiza e o resto do Estado como o Esmorga Fest".