Mateo Fernández, da AC Taekwondo Sarria, consegue unha medalla de bronce no Open de Croacia
O adestrador da AC Taekwondo Sarria, Álex Losada, e o seu alumno Mateo Fernández participaron esta fin de semana no Open G1 Croacia 2024, que tivo lugar en Zagreb.
Desta maneira, Mateo Fernández competiu en categoría júnior Mateo Fernández e pasou á final en 5 posicións, e na final tras dous moi bos poomsaes, logrou subir un chanzo que lle permitiu coarse entre os 4 medallistas.
Así, recibiu unha medalla de bronce "que nos fai moita ilusión polo traballo diario de Mateo e porque é a primeira medalla internacional que logra un alumno da escola", explica o adestrador.
Doutra banda, Álex competiu en sénior 1 e na primeira rolda enfrontouse a Alemaña, logrando a mellor nota de toda a primeira rolda. En segunda, o sorteo facía que Alex se enfrontara contra o actual campión de Europa e posteriormente campión do torneo.
"Unha experiencia máis, seguiremos adestrando e mellorando. Desde aquí damos o parabéns aos compañeiros do Taekwondo Neka e Club Hede polos seus bos resultados", sostivo Losada.