Mateo Fernández, recoñecido como Deportista de Alto Nivel en Taekwondo
Mateo Fernández, alumno da AC Taekwondo de Sarria e natural de Portomarín, foi recoñecido como DAN (Deportista de Alto Nivel) polo Consello Superior de Deportes, segundo a última resolución publicada no BOE.
Este recoñecemento chega tras varias temporadas de éxitos de Mateo, que acumula medallas a nivel autonómico, nacional e internacional, destacando o ouro logrado no pasado Campionato Europeo en trío Junior xunto aos seus compañeiros Aitor Teijeiro de Monforte e Hugo Arnoso de Sada.
O logro abre a Mateo novas posibilidades, especialmente no ámbito das becas económicas pola súa actividade deportiva e académicas, xa que poderá cursar a carreira universitaria que elixa con notas de corte máis baixas que o resto de compañeiros.
Desde o club amósanse “super orgullosos” do seu alumno, cuxa dedicación, viaxes e entrenamentos nestas últimas temporadas ven agora recompensada. Ademais, o seu adestrador Álex Losada renova a súa condición de DAN, que xa posuía desde 2018.