Maxia nocturna, en linguaxe de signos e gala especial no XIX Festival Internacional de Maxia Vila de Sarria
Sarria volverá ser epicentro da maxia co XIX Festival Internacional de Maxia Vila de Sarria, que terá lugar no municipio os vindeiros 22, 23, 24 e 25 de agosto. Nas xornadas participarán unha vintena de magos entre eles Imanol, MagAldara, Magic Mateo e Alvart. Deste xeito, Lolo aposta por xente que nova que está comezando nun lugar como Sarria onde que fan sentir a cada artista como na casa.
Entre os debutantes está Alvart que se suma a outros como MagAldara, que debutou o ano pasado, gañando o agarimo incondicional do público, Magic Mateo, José Antonio coñecido como El Barón ou Christian Miró. O programa comeza o xoves 22 ás 12.00 horas con maxia na residencia de maiores da man de Roberto Lolo e o Mago Antonio. Pola tarde, haberá maxia infantil no paseo do malecón a partir das 17.30 horas co Mago Paco e tamén en Moncho Moda don Samuel Moreno, Mago Imanol e El Barón a partir das 18.30 horas e na Travesía dos Soños ás 19.30 horas.
Seguirá en Calzados Gayoso desde ás 20.45 e no café bar Cbanpo dende as 21.30 horas. Xa ás 22.45 horas, terá lugar a gran gala inaugural no Meigallo. O festival continúa o venres ás 11.30 horas con maxia infantil #SarriaConcilia no paseo do Malecón con Judith Trillirí e O Mago Paco para dar paso a maxia no Capd e unha sesión especial de maxia en Creados a partir das 12.30 horas con MagAldara, Daniel Sánchez e Samuel Moreno.
Á mesma hora comezará a sesión vermú con maxia no Mercado Paladar Gourmet. Pola tarde, haberá maxia familiar no Montecarlo dende as 18.00 horas, no Hotel Alfonso IX e a Gran Gala #SarriaesMagia no Meigalo. A gala especial Noite de Maxia no Don Pepe seguiralle a partir da 01.00 horas. O sábado é a quenda da Maxia no Camiño Francés na praza Vigo de Sarria dende as 12.30 horas e de paseo con maxia de preto polas terrazas do Malecón ás 17.00 horas.
Tamén haberá unha Gran Gala de Maxia de preto na Casa da Cultura dende as 18-30 horas con Daniel Sánchez, Mariano Goñi, Román García e Miguel Ángel Gea. Os asistentes tamén poderán gozar, a partir das 21.15 horas, da Segunda Gala de Maxia en Galicia Accesible en lingua de signos española no Meigallo a partir das 21.15 e da Gran Gala Nocturna no Adarve ás 23.45 horas. O programa remata o domingo cunha gran fala infantil #Todospolosorisodunneno no Meigallo ás 12.30 horas e maxia para toda a familia na Unión ás 18.00 hora se a gran gala final na praza da vila dende as 22.30 horas.