Mónica Saco foi a gañadora dun vale de 200 euros pola campaña da ACES do Día do Pai

Os establecementos asociados sortearon un vale de compra por valor de 200 euros entre todas as persoas que realizaran compras entre o 10 e o 19 de marzo

O pasado 24 de marzo, tivo lugar a entrega de premios da campaña 'Día do Pai, Papa Dacho Todo, Dalle Ti o Mellor, Merca Produto Local' da ACES de Sarria.

Durante a campaña, os establecementos asociados sortearon un vale de compra por valor de 200 euros entre todas as persoas que realizaran compras entre o 10 e o 19 de marzo.

A afortunada gañadora foi Mónica Saco, quen realizou a súa compra o 18 de marzo en Veiga Calzados.

A entrega do premio foi realizada por Ricardo Arias, presidente da Asociación de Comerciantes e Empresarios – CCU de Sarria, quen destacou a importancia de apoiar o comercio local e felicitou á gañadora pola súa participación na campaña.