O 14 e 15 de agosto terán lugar as grandes festas do Val do Mao no Incio
SarriaXa
Os organizadores das grandes festas en Val do Mao do Incio xa presentaron o cartel oficial, que inclúe dous días de festa con actuación musicais, comida e eventos relixiosos.
![Val do Mao organizadores](https://sarriaxa.com/wp-content/uploads/2023/08/Val-do-Mao-organizadores.jpg)
7 Ago 2023
Os organizadores das grandes festas en Val do Mao do Incio xa presentaron o cartel oficial, que inclúe dous días de festa con actuación musicais, comida e eventos relixiosos.
Así, o día 14 de agosto comezará a xornada ás 21.30 horas cunha pancetada e queimada popular amenizada polo dúo Estrellas, que dará pé a que veciños e visitantes bailen toda a noite.
Xa o día 15 de agosto terá lugar o gran día dad festas, con misa ás 13.30 horas seguida de procesión e sesión vermú da man da Charanga Bicoia e, pola tarde, terá lugar a festa dedicada aos pequenos con inchables gratuítos e festa da escuma. Xa á noite, a partir das 21.00 horas terá lugar una paellada popular amenizada co grupo Louband de Sarria.
![Festas Val do Mao O Incio](https://sarriaxa.com/wp-content/uploads/thumbs/2023/08/Festas-Val-do-Mao-O-Incio-200x282.jpg)