Os nenos e nenas do CEIP Eduardo Cela Vila desfrutaron da primeira sesión do 'Club de Lectura do Oribio'

Durante a xornada, a biblioteca Rosalía de Castro de Triacastela foi escenario do primeiro contacontos do curso

O alumnado do CEIP Eduardo Cela Vila de Triacastela desfrutou da primeira sesión do 'Club de Lectura do Oribio', que este ano se vai levar a cabo en horario lectivo.

Durante a xornada, a biblioteca Rosalía de Castro foi escenario do primeiro contacontos do curso, traballando o libro 'El ladrón de hojas'.

Tras introducir coa obra a temática ambiental, o profesorado do centro trasladou aos discentes ata a catástrofe dos incendios de Portugal, establecendo un paralelismo real cos lumes que asolaron lugares como O Courel ou mesmo Triacastela a través de vídeos e novas de xornais.

Finalmente, os nenos e nenas realizaron o primeiro préstamo do curso co seu novo carnet bibliotecario.