O alumnado do IES Xograr Afonso Gómez de Sarria celebra a primeira semana da música
O alumnado do IES Xograr Afonso Gómez de Sarria celebra a primeira semana da música a través do Departamento de Música, durante este mércores, xoves e venres na biblioteca.
“O noso alumnado atesoura un enorme talento que queremos aproveitar e poñer en valor, polo que poñemos en marcha a 1ª Semana da Música que permitirá a alumnado e docentes gozar da arte por excelencia do corazón”, explican desde o centro educativo.
Desta maneira, este mércores, 27 de novembro, interpretarán Solitude, de Duke Ellington; Subway, de Karen Street; Groovy kind of love, de Toni Wine/carole Sager; La vereda de la puerta de atrás, de Extremoduro; e Sonatine, de J.H. Descamps.
Pola súa parte, o xoves, 28 de novembro, o alumnado interpretará Mamma mia!, de ABBA, cunha adaptación para o grupo de frautas; e tocarán Divertimento II K.V.A. 229; de Mozart.
Finalmente, o venres 29 de novembro, interpretarán Nuvole Bianchi, de Ludovico Eunadi; Sonatina, de Muzio Clementi; e London Trio nº1, de Joseph Haydn.