O BNG da comarca de Sarria reuniuse para prepararse de cara ás eleccións municipais de maio
![BNG O Incio](https://sarriaxa.com/wp-content/uploads/2023/01/BNG-O-Incio.jpg)
O Bloque Nacionalista Galego da comarca de Sarria celebrou unha xuntanza para coordinar e perfilar os diferentes grupos de traballo de cara ás eleccións municipais de 2023 no Incio.
A esta reunión asistiu a deputada do BNG no Parlamento galego, Carme Aira, a concelleira do BNG e candidata á alcaldía de Samos, María Xesús López, e o concelleiro do BNG e candidato á alcaldía de Sarria, Efrén Castro.
A organización nacionalista estableceu diferentes eixos temáticos nos que traballar para conformar alternativas fronte os gobernos municipais actuais nas diferentes localidades das terras de Sarria, polo que se expuxeron diferentes propostas e proxectos en conxunto.
O obxectivo da fronte patriótica é implementar diferentes ideas chave para impulsar políticas que poñan ás persoas no centro, mais tamén, contribuír ao desenvolvemento da economía e do territorio.
Tras rematar este encontro, fixeron un percorrido pola a feira da localidade, na que puideron desfrutar do bo facer dos produtores locais como comprobar as grandes potencialidades do comercio local no rural.
![Interior dun mazo, arquivo Ebeling, nº515](https://sarriaxa.com/wp-content/uploads/thumbs/2020/09/Interior-dun-mazo-arquivo-Ebeling-nº515-e1599664439532-200x153.jpg)