O Buril acollerá un acto sobre a construción dun Confederalismo Xuvenil Mundial
O vindeiro 7 de abril de 2025, a Sala Buril Acde acollerá o evento 'Internacionalismo e Xuventude dentro do Paradigma da Modernidade Democrática - Galiza 2025'.
A cita, que dará comezo ás 20.30 horas, reunirá voces destacadas para debater sobre o papel da mocidade na construción dun Confederalismo Xuvenil Mundial como alternativa radical á modernidade capitalista.
O encontro centrarase en como as novas xeracións están a actuar como unha forza transformadora para fortalecer a cooperación internacional e impulsar unha sociedade máis democrática.
A iniciativa busca poñer en común experiencias e perspectivas de xoves autoras de distintas partes do mundo, promovendo o diálogo e a reflexión sobre os retos e oportunidades do internacionalismo xuvenil.
O evento promete ser un espazo clave para a articulación de estratexias que permitan reforzar o papel da xuventude na construción dun futuro máis xusto e solidario.