O Campo da Festa de Samos será escenario da obra teatral 'Castelao', de Culturactiva Producións

Este espectáculo, apto para todos os públicos, terá lugar o vindeiro venres, 27 de decembro, ás 17.30 horas

O Campo da Festa de Samos será escenario da obra teatral 'Castelao', unha produción de Culturactiva Producións en colaboración coa Vicepresidencia da Deputación, área de Cultura.

Este espectáculo, apto para todos os públicos, terá lugar o vindeiro venres, 27 de decembro, ás 17.30 horas, e promete ser unha experiencia cultural enriquecedora, ideal para gozar en familia ou con amigos.

A obra traslada ao público á infancia de Castelao, presentándoo como un neno de 8 anos na súa aldea natal. Un personaxe alegre, divertido e cheo de aventuras que busca conectar emocionalmente cos espectadores e espertar a súa identificación co protagonista.