O Campus do Nadal de Sarria enriqueceuse coa presenza do Club Seurri Sarria
O Campus do Nadal de Sarria, organizado polo Club de Baloncesto Sarria, viviu unha xornada diferente e emocionante grazas á colaboración do Club Seurri Sarria de Tiro con Arco.
Durante dúas horas, os participantes sentiron a emoción de ser auténticos arqueiros, mentres gozaban e aprendían deste apaixonante deporte.
Esta iniciativa permitiu aos asistentes descubrir as habilidades necesarias para a práctica do tiro con arco, facendo fincapé na concentración, a precisión e a coordinación.
Todo isto grazas á dedicación de Alberto Rincón, Ángela e todo o equipo do Club Seurri Sarria, quen amosaron un enorme entusiasmo por compartir o seu coñecemento.
A actividade integrada no Campus do Nadal destacou pola súa capacidade para introducir aos mozos e mozas nun deporte diferente, enriquecendo a súa experiencia no campamento e fomentando o interese por disciplinas deportivas menos coñecidas no ámbito local.
Dende o Club de Baloncesto Sarria, agradecen ao Club Seurri Sarria e a todos os seus membros pola súa inestimable colaboración e o impacto positivo que tiveron nos participantes do campamento. É a través destas colaboracións que se consegue unha oferta máis ampla e diversa para os asistentes.