O cartomago Dani DaOrtiz estará no Festival Internacional de Maxia Vila de Sarria
![dani daortiz](https://sarriaxa.com/wp-content/uploads/2023/07/dani-daortiz.jpg)
Roberto Lolo, organizador do XVIII Festival Internacional de Maxia Vila de Sarria de agosto, anuncia que o último artista, o número 20, desta edición será Dani DaOrtiz, “o máis grande cartomago do mundo”.
A iniciativa, que terá lugar entre os días 17 e 20 de agosto, contará con este mago porque tiña que estar “si ou si” no aniversario da maioría de idade do festival porque “axudou a crecer o festival”.
Roberto Lolo defende que é de quen máis aprendeu de maxia e que é “un amigo, un maestro e un compañeiro que ten sempre os mellores consellos”.
En definitiva, Lolo agradeceu a cada un dos artistas que estiveron en Sarria nas 17 edicións anteriores, xa que “son parte fundamental do crecemento do evento” e sostivo que lle gustaría que estiveron moitos deles aquí, “pero non caben todos nunha edición” polo que lles agradece ter estado.