O CEIP Eduardo Cela Vila de Triacastela estrea un mural no comedor que homenaxea a gastronomía local
O comedor do CEIP Eduardo Cela Vila de Triacastela loce un novo mural artístico que pon en valor a tradición gastronómica do municipio.
A creación, obra do artista Rubén Paz, foi sufragada pola ANPA do centro e ten como obxectivo principal conectar o alumnado coa identidade cultural e culinaria da zona.
O mural recolle diferentes elementos representativos da rica gastronomía local, co propósito de que os nenos e nenas se sintan identificados co seu entorno e valoren os produtos propios da súa terra. A iniciativa foi ben acollida pola comunidade educativa, que destaca o valor didáctico e emocional da obra.
Con este proxecto, o centro continúa a súa aposta por integrar a cultura local no día a día escolar, facendo do comedor un espazo máis acolledor e con significado.