O CEIP O Páramo celebrará un mercado de fin de curso solidario

O obxectivo é recadar fondos para a súa excursión de fin de curso

Este sábado 10 de maio, a partir das 11:00 horas, o alumnado de 4º, 5º e 6º do CEIP O Páramo celebrará un mercadiño de fin de curso solidario co obxectivo de recadar fondos para a súa excursión.

O evento contará cunha gran variedade de artigos feitos a man, perfectos para agasallar ou coleccionar. Entre as opcións dispoñibles atópanse chapas e manualidades, bixutería e chaveiros personalizados, así como contos e doces deliciosos.

A actividade levarase a cabo nun ambiente familiar, coa participación activa do alumnado e moitas ganas de compartir un momento especial con toda a comunidade educativa.