O CEIP Plurilingüe do Páramo organiza unha xornada de portas abertas
SarriaXa
O evento comezará ás 15.15 horas e ofrecerá unha oportunidade única para descubrir as instalacións e os proxectos educativos
23 Jan 2025
O vindeiro luns 17 de febreiro, o CEIP Plurilingüe do Páramo, situado en Vilarmosteiro, celebrará unha xornada de portas abertas para todas as familias interesadas en coñecer o centro.
O evento comezará ás 15.15 horas e ofrecerá unha oportunidade única para descubrir as instalacións e os proxectos educativos deste colexio.
Durante a xornada, realizaranse diversas actividades para amosar as metodoloxías innovadoras e o carácter plurilingüe do centro, destacando o seu compromiso coa formación integral do alumnado.
Para máis información, as familias poden chamar ao teléfono 982 828 305 ou visitar o colexio.