O centro Breogáns de Sarria recolle tapóns con fins solidarios

Habilitouse un punto de recollida no centro cultural e de maiores Breogáns. Poden depositarse tapóns ata marzo.

O centro cultural e de maiores Breogáns, de Sarria,  recollerá tapóns de plástico con fins solidarios.

Os tapóns poden depositarse nos espazos habilitados para elo no centro ata o mes de marzo, en horario de 10.00 a 12.00 horas. A recollida realízase en colaboración coa Asociación para a Loita contra as Enfermidades do Ril (Alcer) e a Asociación da Enfermidade de Dent.

O centro cultural e de maiores Breogáns , de titularidade municipal, está situado na rúa Mestre Piquero da localidade.