O Club de Lectura do Oribio do CEIP Eduardo Cela Vila de Triacastela retoma as súas xuntanzas
O Club de Lectura do Oribio do CEIP Eduardo Cela Vila de Triacastela retomou as súas xuntanzas tras as vacacións de Entroido, e para conmemorar o Día Internacional da Muller, o alumnado tivo a oportunidade de desfrutar dunha actividade especial.
A primeira parte consistiu na lectura do conto Airiña bailarina, unha historia que destaca a figura feminina e a súa loita por acadar os seus soños, sen deixar que as dificultades a deteran.
Posteriormente, os estudantes visualizaron a curtametraxe Gracias, abuela, que resalta o esforzo e a valentía das mulleres do pasado, facendo un tributo ás súas loitas e aportacións á sociedade. A través desta actividade, os rapaces e rapazas puideron reflexionar sobre o papel das mulleres ao longo da historia e a importancia de recoñecer os seus logros.
Esta iniciativa é só unha das varias actividades que a comunidade educativa do CEIP Eduardo Cela Vila de Triacastela realizará ao longo do curso para seguir descubriendo e traballando a temática feminista, promovendo a igualdade de xénero e a sensibilización sobre os dereitos das mulleres.
A escola continúa así co seu compromiso de fomentar a igualdade e a educación en valores entre o seu alumnado.