O Club Rítmica Atalaia organiza o seu I Campus de Nadal

Eneko Lambea participará do Campus de Nadal dirixindo unha Masterclass o día 27 de decembro

O Club Rítmica Atalaia organiza o seu I Campus de Nadal, que se celebrará en Sarria desde o día 26 ao 29 de decembro, coa colaboración do Concello de Sarria e a Deputación de Lugo.

O Campus contará coa presenza de Eneko Lambea, seis veces campión de España absoluto, quen dirixirá unha Masterclass o día 27 de decembro.

A actividade terá lugar no pavillón Jose Mario González, O Chanto, en xornada de mañá, excepto a Masterclass, que será en xornada de mañá e tarde.

O prazo para inscribirse, aberto a todo aquel que queira participar a partir de seis anos, abrirase o día 1 de novembro e ata o día 9 de decembro, podendo anotarse tanto ao Campus como á Masterclass, a través da web do Club.